понорен (прид.)
Спиеше цела ноќ со длабок понорен сон, сличен на смрт. Се чини, беше омаен и занесен.
„Захариј и други раскази“
од Михаил Ренџов
(2004)
А под тој прекрасен покрив, на кого сонцето слетуваше со своите волшебни шари, стоеше една сива длабочина, испреплеткана и затната од стеблата, со некакво модрикаво, крвјосано застрашување на понорна сенка, по која ретко можеа да се изнајдат и понекоја сина заискрена ѕвездичка на снежните кристали. Замина натаму, без двоумење.
„Белата долина“
од Симон Дракул
(1962)
