шприцер (м.)
- Шприцери пијат тие што сакаат да ждригаат, јас таквите не ги трпам. - Добро, голо вино.
„Синовски татковци“
од Димитар Солев
(2006)
Требаше навреме да превртиме на скара пет-шест пати, па со кромитче и тенок шприцер.
„Одбрани драми“
од Горан Стефановски
(2008)
Се качив од една посивена провинциска станица, возот патува бавно и долго, а јас, и покрај неколку испиени шприцери во станичното бифе, подготвен сум да бидам љубопитен и внимателен соговорник.
„Слово за змијата“
од Александар Прокопиев
(1992)
На масата го примија срдечно и весело со оглед на шишињата бело вино и минерална вода и полупразните или полуполни чаши со шприцер.
„Продавница за љубопитните“
од Мето Јовановски
(2003)
Келнерчето му го донесе шишето вино и пред него, со тропнување, постави чаша којашто била за пиво, за шприцер, за сок или вода но не и за вино.
„Продавница за љубопитните“
од Мето Јовановски
(2003)
Мажите веќе беа напред, во новата реалност на пропржени нивички и искричав шприцер.
„Синовски татковци“
од Димитар Солев
(2006)
