а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

прост

прости
Вид збор: Придавка
Ранг: 2145
1. Што е едноставен, што не е сложен, што може лесно да се разбере, да се сфати.
Англиски: simple Албански: i thjeshtë
Примери:
проста работа
Слично со: едноставен (прид.) , разбирлив (прид.)
Спротивно од: сложен (прид.)
2. Што е едноставен по структура, по направа.
Англиски: uncomplicated Албански: i thjeshtë
Примери:
прост механизам
прости тела
Спротивно од: комплициран (прид.)
3. Едноставно направен, грубо изработен, што не е скап, без многу украси.
Англиски: coarse Албански: i thjeshtë
Примери:
прост кревет
проста маса
Слично со: груб (прид.)
4. Обичен, со ниско потекло, без некој ранг.
Англиски: common Албански: i thjeshtë
Примери:
прост војник
прости народни маси
прост работник
Слично со: обичен (прид.)
5. Глуп или необразован, наивен, лековерен, со ограничени умствени способности.
Англиски: uneducated Албански: i pagdhendur
Примери:
прост човек
Не е толку прост како што се чини на прв поглед.
Слично со: необразован (прид.) , глуп (прид.)
6. Груб, без префинети манири.
Англиски: rude Албански: i pagdhendur
Слично со: недоделкан (прид.) , неучтив (прид.)
7. Обичен, секојдневен, што не се изделува со нешто од другите.
Англиски: simple Албански: mesatar
Примери:
Тоа беше едно обично просто писмо.
Слично со: секојдневен (прид.)
Изрази
Со просто око - со голо око, без очила, двоглед, без помошни инструменти.
Прост како грав (леќа) - многу глуп, едноставен.
(мат.) Прост број - број што е делив само со самиот себе и со единица.
(биол.) Проста делба - Размножување на организмите со делење на клетката на две нови клетки.
(грам.) Проста реченица - реченица со еден подмет и еден прирок.
(астр.) Проста година - година што има 365 дена.
(спорт.) Прости вежби - вежби што се изведуваат без реквизити.
Од проста причина - јасно, видливо поради нешто настанало или се случило.
Изведенки
простичок прид.
простичкиот
дем.