да (сврз.) - викне (гл.)

Како на сон кога сакаш да викнеш а не можеш или кога сакаш да бегаш а ни чекор не можеш да направиш од некоја оловна тежина во нозете.
„Балканска книга на умрените“ од Мето Јовановски (1992)
Се разнесе грмогласно „ураааа!“ од четиристотини грла и залпови од пушки.
„Толе Паша“ од Стале Попов (1976)
Почнаа да се ѕверат низ честарот, погледнувајќи ги своите другари лево и десно, а селанецот го забележа Белчета во букашот, си ја поткаса долната муцка и подзина да викне, но во тој момент Толевци изрипаја од карпите со страшен натприроден вик и ги фрлија готовите бомби кон групите.
„Толе Паша“ од Стале Попов (1976)
Помислувам да му се смилувам и прикаската да ја срочам, така што братучедот Герман, откако ќе влезе во ходникот, да се премисли и да се врати да викне некого за да не влезе во собата кај мене сам, да биде со некого кој ќе му го држи стравот.
„Човекот во сина облека“ од Мето Јовановски (2011)
И ми доаѓа да викнам и да провикнам: Луѓе, луѓе, о луѓе!... Каде сте, бре, луѓе!!! Нема одѕив.
„На пат со времето“ од Петре Наковски (2010)
Лебот и сирењето ми паднаа од раце, в грло нешто ме стегна, некакви искри ми прелетаа пред очи, се стресов и сакав да заплачам, ама немав солзи, сакав да викнам, ама немав глас, сакав некаде да избегам, ама немав сили...
„На пат со времето“ од Петре Наковски (2010)
Тоа дете понекогаш, навистина, стануваше досадно, но не можев ниту да му се налутам, ниту да викнам по него.
„Друга мајка“ од Драгица Најческа (1979)
- Повели сине! Имаме гости. На зборот сине, на Рада ѝ доаѓаше да викне. „Да! Тоа е и нашиот син!“, но се воздржа, се плашеше, затоа толку внимателно одеше стапка по стапка.
„Последната алка“ од Стојан Арсиќ (2013)
И за проодување ѝ кажав да викне две сестри и сестрите да земат со устите вода од под воденица, пред сонце, во недела, уште неугреан денот.
„Пиреј“ од Петре М. Андреевски (1983)
Водата се исправа како човек, кога станува од постела и ме турка, не ми дава време и да викнам, вели.
„Пиреј“ од Петре М. Андреевски (1983)
До ушите ми иде некое човечко зборување. Сакам да викнам, ама се премислувам.
„Пиреј“ од Петре М. Андреевски (1983)
Зошто се враќам, си велам, кога нема со кој збор да размениш: ни по кого да викнеш, ни кој да ти се одѕвие.
„Пиреј“ од Петре М. Андреевски (1983)
Сака да викне Витомир, да ме праша кај ќе одам, ама не смее. Забрането е зборување. 101
„Пиреј“ од Петре М. Андреевски (1983)
Пролет е и созреваат момчоците, сакав да викнам.
„Тврдоглави“ од Славко Јаневски (1990)
„Сакав, сега не сакам. Било и поминало. Мал си ти за младоженец. А ни куќа, ни куќиште.“
„Тврдоглави“ од Славко Јаневски (1990)
Шета со погледот низ селото и гледа: си останало исто, си го задржало истиот изглед; има по некоја куќа нова или обновена, но не се раширило, си ја задржало онаа своја збиеност: од која куќа да викнеш, на другата ќе се чуе.
„Животраг“ од Јован Стрезовски (1995)
Проклети мајмуни, сакав да викнам. Кутриот Кејтен!
„Големата вода“ од Живко Чинго (1984)
Признавам тој час и моето срце не беше многу мирно, ме опфати силна возбуда, никако не можев да го совладам, бев присилен да викнам: - Да живее! -и некои други големи работи.
„Големата вода“ од Живко Чинго (1984)
Одвај можеше да викне ким с’н сен, a стариот Трајко му го зари ножот в гради.
„Калеш Анѓа“ од Стале Попов (1958)
Како убиец?... Кој?, успеав да викнам. Кој убиец?
„Братот“ од Димитар Башевски (2007)
Доколку не постои основ за соживот, ти преостанува само да викнеш специјална екипа (слична на Гоуст Бастерс) која има за задача на мирољубив и достоинствен начин да ја спакува целата фамилија, да ги замоли да влезат во еден голем кафез и да ги однесе на стотина километри на север.
„Тибам штркот“ од Зоран Спасов Sоф (2008)
Сега напразно чекаме да викне „Мадонца, фантје да запееме, еј.
„Дождови“ од Матеја Матевски (1956)
АНГЕЛЕ: Ај тогаш со здравје. (Легнува.) Можевме да викнеме уште два-тројца овде. Има место.
„Одбрани драми“ од Горан Стефановски (2008)
БОРИС: Да викнеме булдожер? (Пауза) Како ќе живееш ти? Не ми веруваш мене, не си веруваш себеси.
„Одбрани драми“ од Горан Стефановски (2008)
Сакам да викнам, ама гласот ми го нема, што се вели, некаде ми тептисува.
„Небеска Тимјановна“ од Петре М. Андреевски (1988)
Не ми се вдаде ни да викнам.
„Небеска Тимјановна“ од Петре М. Андреевски (1988)
Незгодно ми е да викнам, некоја жена да разбудам.
„Небеска Тимјановна“ од Петре М. Андреевски (1988)
Пропаѓам, што се вели, а не можам да викнам, барем за крикот да се фатам, да се задржам.
„Небеска Тимјановна“ од Петре М. Андреевски (1988)
Да викнеш, никој не те слуша...
„Небеска Тимјановна“ од Петре М. Андреевски (1988)
Не смее ни да се помрдне, ни да се издиши, ни да викне. Не смее од мечката.
„Билјана“ од Глигор Поповски (1972)