секој (зам.) - мајка (имн.)

И продолжи да си ги гледа како секоја мајка рожбите.
„Крпен живот“ од Стале Попов (1953)
Мајка и, како секоја мајка, се загрижи за нејзиното здравје.
„Крпен живот“ од Стале Попов (1953)
— Сак'н, мило чедо, не излевај да не си а земиш бељата, — беше првиот збор на секоја мајка и свекрва што имаа млади ќерки или снаи.
„Толе Паша“ од Стале Попов (1976)
Добре ми дојде! — го поздрави мајка му, и како секоја мајка, го прегрна и силно го избакна по широкото бело лице.
„Толе Паша“ од Стале Попов (1976)
За некое миење, преслекување и перење, ни збор не можеше да стане: жените станаа чуми, мажите — вампири, дивјаци.
„Толе Паша“ од Стале Попов (1976)
Кај вати шо те нема цела зима? — го пречека мајка му сред кошарчето и го прегрна како секоја мајка што не го видела сина си четири пет месеци.
„Толе Паша“ од Стале Попов (1976)
Го оправдуваше таа синот како секоја мајка што би сторила за своето чедо, велеше дека тоа му било само криза која ќе му помине. Можеби вистина беше така.
„Знаеш ли да љубиш“ од Ивана Иванова Канго (2013)
Во разговорот, како што може да се забележи, имаше прилично дисонанција и провокации, но тоа го сметам и како квалитет на ова интервју бидејќи Дуковски веќе прилично се извештил во давањето спакувани одговори маркетиншки наменети токму за еден просечен балканец: малку експресивни мудролии од типот „мочаш-мочаш-ама прска”, малку патријахалност, малку неформален имиџ, малку жаргон - и ете „успешен медиски настап”. okno.mk | Margina #15-16 [1995] 69 Всушност, Дејан целокупната своја медиска слика и ја гради врз типот на „добро момче од соседството”, идеален сон на секоја мајка, еден екстремно, според својата едноставност и питомост, недишановски „младоженец”.
„МАРГИНА бр. 15-16“ (1995)
Почнавме уште пред да биде поставено белградското „Буре Барут”, а завршуваме сега кога целата помпа по успешната претстава на Унковски веќе стивнува.
„МАРГИНА бр. 15-16“ (1995)
Премила, златна светице, ти ја знаеш болката на секоја мајка, биди милостива и спрема мене”.
„Вежби за Ибн Пајко“ од Оливера Николова (2007)
Богородице Владичице - ама тагата Ти била како на секоја Мајка... седумпати зинала земјата да ми ги голтне чедата - уште не годиначиња...
„Молика пелистерска“ од Бистрица Миркуловска (2014)
Малото писнува, сака да се преврти, но јатаганот го пробил и го закачил в земји. Co тие црни мисли како секоја мајка што мисли кога е оддалечено од чедото.
„Калеш Анѓа“ од Стале Попов (1958)
Тие беа секојдневните прашања што им се наметнуваа на овие мајки, како на секоја мајка кога и е чедото во опасност.
„Калеш Анѓа“ од Стале Попов (1958)
Секоја мајка сакаше одделно да го опита за своите дечки.
„На пат со времето“ од Петре Наковски (2010)
И третиот има мајка. Обична старица како и секоја мајка.
„Кловнови и луѓе“ од Славко Јаневски (1956)
Се разбира, секоја мајка му се радува на подарокот што ќе го добие од своето дете.
„Добри мои, добар ден“ од Глигор Поповски (1983)
Велеше дека секоја мајка е различна во своето мајчинство, како што животот на еден човек се разликува од сите останати, колку да им е сличен на другите луѓе.
„Сестрата на Сигмунд Фројд“ од Гоце Смилевски (2010)
А и таа поврзаност на утроба со детето е чудна работа.“
„Сестрата на Сигмунд Фројд“ од Гоце Смилевски (2010)
Сите мајки ги носеле своите деца во своите утроби, па одново секоја мајка поинаку се однесува со своето дете, поинаку се однесува и една мајка кон секое од своите деца.
„Сестрата на Сигмунд Фројд“ од Гоце Смилевски (2010)
Еднаш, кога седевме во пеперуткарникот, големата стаклена градина со тропски растенија изградена до куќата на Ауербахови, по која летаа облаци од пеперутки, Клара ни рече: „Имам видено мајки кои го даваат својот живот за животот на своите деца, и мајки кои им го одзеле животот на своите деца.
„Сестрата на Сигмунд Фројд“ од Гоце Смилевски (2010)