посветен (прид.)
Посветеноста на принцезата, особено, секогаш била очигледна.
„Бетовен“
од Џорџ Александер Фишер (превод Јана Андреевска)
(1905)
Владата мора да покаже дека е вистински посветена на целосната интеграција на сите етнички групи во земјата.
„На пат кон Дамаск“
од Елизабета Баковска
(2006)
Исцело бевме посветени на вербата дека ќе победиме иако секаде губевме.
„На пат со времето“
од Петре Наковски
(2010)
Имаше многу книги во неговата библиотека посветени на редот на јаничарите на кои се должеше подемот и падот на Отоманската империја.
„Времето на козите“
од Луан Старова
(1993)
И веднаш заборавив како се спрема ајвар и слатко, а сторив трансфер од некој кој посветено се крсти во Креаторот во верник, ама во животот.
„И ѓаволот чита пРада“
од Рада Петрушева
(2013)
Во текот на животот Бетовен бил посветен работник и строг учител на себеси.
„Бетовен“
од Џорџ Александер Фишер (превод Јана Андреевска)
(1905)
Во Историскиот музеј апсолутен приоритет има прикажувањето на експонати од животот и делото на Водачот, макар што во родната куќа во Ѓирокастро постои и музеј кој му е специјално посветен.
„Атеистички музеј“
од Луан Старова
(1997)
Не треба да се претпоставува дека такво дело би им се допаднало, бидејќи немало балет, а мелодрамата, наместо да содржи добри шеги и ризични анегдоти, едноставно била приказна за посветеноста на жената.
„Бетовен“
од Џорџ Александер Фишер (превод Јана Андреевска)
(1905)
Сметаше дека е очигледна вистина дека NAACP (National Association for the Advencement of Colored People, Национално здружение за унапредување на црната раса 9) е комунистичка конспиративна група посветена на стопроцентно вкрстување на белата и црната раса, и дека џентлменот од Вирџинија е всушност Ubermensch, конечно пристигнат, но спречен во исполнувањето на судбински важната задача само благодарение на злобните сплеткарења на њујоршките Евреи.
„Малиот дожд“
од Томас Пинчон
Карер го помисли тоа, ги виде некои од тие пријатели на црно-белиот под среде убаво осветлената ложа, а потем се виде и себе си, исправен на нејзиниот симболичен исток, со свечената, богато декорирана престилка на мајстор слободен ѕидар, со околувратник што му ја симболизираше должноста во ложата и со бели ракавици на рацете, сѐ симболи на моралната чистота и посветеност на мајсторот масон.
„Светилка за Ханука“
од Томислав Османли
(2008)
Зар не беше тоа предупредување за многуте тајни во врска со човекот кому му бев целосно посветена, вклучително и за оваа најубиствената, што сега се откри, а кое јас никогаш докрај не го доведов до мојата свест.
„Братот“
од Димитар Башевски
(2007)
Во месец јануари, 1942 година, се одржа Осмиот пленум на ЦК на КПГ на кој, меѓу другото, му беше посветено посебно внимание на ,словеногласните Македонци за да не се занесат од омразата на националното потиснување на грчката буржоазија и сегашната демагогија на окупаторите, а посебно на бугарскиот национализам и шовинизам...“
„Небеска Тимјановна“
од Петре М. Андреевски
(1988)
Но, дека убавите жени од главниот град требало да бидат привлечени од толку неумесен маж може на прв поглед да изгледа изненадувачки, сѐ додека не земеме предвид дека, и покрај овие недостатоци, тој ги привлекувал поради други квалитети, какви што биле неговата сензибилност, сериозноста и посветеноста на уметноста, и богатството на неговата емотивна и интелектуална природа.
„Бетовен“
од Џорџ Александер Фишер (превод Јана Андреевска)
(1905)
Незабележително, нѐ опфати уверувањето дека неописливите мистерии вредат да бидат изразени со посветени чинови.
„МАРГИНА бр. 10“
(1997)
Пред Домот на инвалидите имаше многу странци што чекаа на ред да влезат во овој спомен -музеј, посветен главно на Наполеон, зашто тука е и неговата гробница.
„Патувања“
од Никола Кирков
(1982)
Дека Партијата е вечен заштитник на слабите, посветена секта која прави лошо за да може да дојде доброто, која ја жртвува сопствената среќа за среќата на другите.
„1984“
од Џорџ Орвел
(1998)
Нивните животи се посветени на освојувањето на светот, но тие исто така знаат дека војната треба да продолжи вечно и без победа.
„1984“
од Џорџ Орвел
(1998)
Трите квартети, опус 59, познати како „Разумовски“ квартети, кои веќе накратко ги споменавме, го добиле своето име оттаму што биле посветени на грофот Разумовски, кој бил руски амбасадор.
„Бетовен“
од Џорџ Александер Фишер (превод Јана Андреевска)
(1905)
Само бандите, гангстерите, мафиите, посветените или перверзни друштва и некои соучесништва можат да преживеат, но не и паровите.
„МАРГИНА бр. 10“
(1997)
Неговите композиции до крајот на неговиот живот покажуваат континуиран напредок кон уметничко совршенство, а тоа било постигнато само со бескрајна посветеност и труд.
„Бетовен“
од Џорџ Александер Фишер (превод Јана Андреевска)
(1905)
